Back

వైద్యనాథ జ్యోతిర్లింగం

వైద్యనాథ జ్యోతిర్లింగం ద్వాదశ జ్యోతిర్లింగాలలో ఐదవది. ఈ క్షేత్రం యొక్క స్థానం గురించి రెండు ప్రధాన నమ్మకాలు ఉన్నాయి. ఒకటి జార్ఖండ్‌లోని దేవఘర్ (వైద్యనాథ్ ధామ్), రెండవది మహారాష్ట్రలోని పరలి వైద్యనాథ్. పరమశివుడు ఇక్కడ సకల రోగాలను నయం చేసే "వైద్యుడిగా" కొలువై ఉన్నాడు.

పురాణాల ప్రకారం, రావణాసురుడు పరమశివుడిని లంకకు తీసుకువెళ్ళడం కోసం కఠోర తపస్సు చేసినపుడు శివుడు ప్రసన్నం కాకపోవడంతో, రావణుడు తన శిరస్సులను ఒక్కొక్కటిగా కోసి శివునికి నైవేద్యంగా అర్పించాడు. పదవ శిరస్సును కూడా నరకబోతుండగా శివుడు ప్రత్యక్షమై రావణుడి భక్తికి మెచ్చిఅతడి శరీర గాయాలను వైద్యుడిలా నయం చేసి, అతనికి ఒక శక్తివంతమైన జ్యోతిర్లింగాన్ని ఇచ్చి"ఈ లింగాన్ని లంకకు చేరేవరకు ఎక్కడా భూమిపై పెట్టకూడదు, పెడితే అది అక్కడే స్థిరపడిపోతుంది" అని నియమం పెట్టాడు.

రావణుడు లింగాన్ని మోసుకుంటూ వెళ్తుండగా, దేవతల ఉపాయం వల్ల అతనికి తీవ్రమైన మూత్రశంక కలిగి అక్కడ ఉన్న ఒక గొల్లవాని చేతికి ఆ లింగాన్ని ఇచ్చి వెళ్లాడు. రావణుడు వచ్చేసరికి ఆలస్యం అవ్వడంతో, ఆ గొల్లవాడు లింగాన్ని భూమిపై పెట్టేశాడు. రావణుడు వచ్చి దానిని ఎంత లాగినా రాలేదు. రావణుడి గాయాలను నయం చేసినందుకు మరియు గొల్లవాని రూపంలో ఉన్న విష్ణువు ప్రతిష్ఠించినందుకు ఈ క్షేత్రానికివైద్యనాథ్అని పేరు వచ్చింది. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి..

శ్లోకం :-

పూర్వోత్తరే ప్రజ్వలికానిధానే సదాశివం తం గిరిజాసమేతమ్ |

సురాసురారాధితపాదపద్మం శ్రీవైద్యనాథం సతతం నమామి ||

భావం :-

ఈశాన్య దిశలో ప్రకాశిస్తూ, పార్వతీదేవితో కలిసి కొలువై ఉండి, దేవతలు మరియు అసురుల చేత నిరంతరం పూజించబడే పాదపద్మాలు కలిగిన ఆ 'శ్రీ వైద్యనాథ' స్వామికి నేను ఎల్లప్పుడూ నమస్కరిస్తున్నాను.

పూజా ఫలితం :-

రోగ నివారణకు ఈ క్షేత్రం అత్యంత ప్రసిద్ధి. దీర్ఘకాలిక వ్యాధులు, శారీరక మరియు మానసిక రుగ్మతలతో బాధపడేవారు ఇక్కడి స్వామిని పూజిస్తే త్వరగా కోలుకుంటారు.శ్రావణ మాసంలో గంగానది నీటిని తెచ్చి ఈ స్వామికి కావిడితో అభిషేకం చేయడం వల్ల సమస్త పాపాలు తొలగిపోయి మోక్షం లభిస్తుందని భక్తుల నమ్మకం.