గాయత్రి దేవి హిందూ ధర్మంలో సమస్త వేదాలకు తల్లిగా, జ్ఞాన స్వరూపిణిగా మరియు పరమ పవిత్రమైన దైవంగా పూజలందుకుంటోంది. ఆమెను సృష్టికర్తయైన బ్రహ్మదేవుని శక్తిగా, త్రిమూర్తి స్వరూపిణిగా భావిస్తారు.

పురాణాల ప్రకారం, పూర్వం బ్రహ్మదేవుడు లోక కల్యాణం కోసం ఒక పెద్ద యజ్ఞాన్ని ప్రారంభించాడు. ఆ యజ్ఞం సఫలం కావాలంటే ఆయన పక్కన భార్య ఉండటం తప్పనిసరి. కానీ, ఆ సమయానికి సావిత్రీ దేవి రావడంలో ఆలస్యమైంది. యజ్ఞ ముహూర్తం దాటిపోతుండటంతో, ఇంద్రుని సలహా మేరకు బ్రహ్మదేవుడు అక్కడే ఉన్న ఒక పల్లెటూరి కన్యను వివాహం చేసుకుని యజ్ఞాన్ని పూర్తి చేశాడు. ఆ దివ్య కన్యే గాయత్రి దేవి. గాయత్రి దేవి కేవలం ఒక రూపం కాదు, ఆమె వేదాల యొక్క సారాంశం. సూర్యభగవానుడి అంతర్యామిగా ఉండే 'సవితృ' శక్తిని ఈమె సూచిస్తుంది. అందుకే ఉదయం, మధ్యాహ్నం, సాయంత్రం వేళల్లో చేసే సంధ్యావందనంలో గాయత్రి దేవిని ముఖ్యంగా ఆరాధిస్తారు. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి.

గాయత్రీ మంత్రం :

ఓం భూర్భువస్సువః |తత్సవితుర్వరేణ్యం |భర్గోదేవస్య ధీమహి | ధియో యోనః ప్రచోదయాత్ ||

భావం : -

భూమి, ఆకాశం, అంతరిక్షం అనే ముల్లోకాలలో వ్యాపించి ఉన్న, సృష్టికి కారణమైన ఆ సూర్య భగవానుని యొక్క శ్రేష్ఠమైన దివ్య కాంతిని మేము ధ్యానిస్తున్నాము. ఆ పరమాత్మ కాంతి మా బుద్ధిని సన్మార్గం వైపు ప్రేరేపించు గాక!

పూజా ఫలితం : -

నిత్యం గాయత్రీ మంత్రాన్ని పఠించడం వల్ల మెదడు చురుగ్గా పనిచేస్తుంది, జ్ఞాపకశక్తి మరియు ఏకాగ్రత పెరుగుతాయి. ముఖ్యంగా విద్యార్థులకు ఇది అత్యంత మేలు చేస్తుంది. గాయత్రీ మంత్ర ఉచ్ఛారణ వల్ల శరీరం చుట్టూ ఒక రక్షణ కవచం ఏర్పడి, మనసులోని భయాలు, ఆందోళనలు, దుష్ట ఆలోచనలు నశిస్తాయి. శ్వాస వ్యవస్థ, గుండె పనితీరు మెరుగవుతాయి మరియు ముఖంలో ఒక దివ్యమైన తేజస్సు వస్తుంది.