శ్రీ శృంఖలా దేవి ఆలయం (పశ్చిమ బెంగాల్‌లోని ప్రద్యుమ్న నగరం) ఆదిశంకరాచార్యులు పేర్కొన్న అష్టాదశ (18) శక్తిపీఠాలలో మూడవ శక్తిపీఠం. 'శృంఖల' అనగా బంధాలు లేదా గొలుసులు అని అర్థం. భక్తులను సంసార బంధాల నుండి విముక్తులను చేసే తల్లిగా ఈమె పూజలందుకుంటోంది.

దక్షయజ్ఞం తర్వాత సతీదేవి పవిత్ర శరీరాన్ని విష్ణుమూర్తి తన సుదర్శన చక్రంతో ఖండించినప్పుడు, అమ్మవారి "ఉదర భాగం" (పొట్ట) లేదా "స్తన భాగం" పడిన పవిత్ర స్థలమిది. పురాణాల ప్రకారం, ఇక్కడ అమ్మవారు 'శృంఖలా దేవి'గా, పరమశివుడు 'శబరేశ్వరుడు' గా వెలిశారు. ప్రస్తుతం ప్రద్యుమ్న నగరం (ప్రస్తుతం పశ్చిమ బెంగాల్‌లోని హుగ్లీ జిల్లాలో ఉన్న పాండువా అనే గ్రామం) లో అసలైన అమ్మవారి ఆలయం భౌతికంగా కనిపించదు. ఇక్కడ ఉన్న ఒక పురాతన కట్టడం (మినార్/దర్గా) కిందే అసలైన శక్తిపీఠం ఉండేదని చరిత్రకారులు భావిస్తారు. అసలు ఆలయం అంతర్థమవడంతో, జగద్గురు ఆదిశంకరాచార్యులు అమ్మవారి శక్తిని కర్ణాటకలోని శృంగేరి శారదా పీఠం లో ప్రతిష్ఠించారని ఒక బలమైన నమ్మకం ఉంది. 'శృంఖల' అనే పేరు నుండే 'శృంగేరి' అనే పేరు వచ్చిందని చెబుతారు. ప్రస్తుత బెంగాల్‌లోని పాండువాలో ఒక చిన్న గదిలో అమ్మవారి ప్రతీకగా పూజలు జరుగుతుంటాయి. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి..

శ్లోకం : -

"లంకాయాం శాంకరీ దేవీ, కామాక్షీ కాంచికాపురే |

ప్రద్యుమ్నే శృంఖలా దేవీ, చాముండీ క్రౌంచపట్టణే ||"

భావం : -

ప్రద్యుమ్న నగరంలో 'శ్రీ శృంఖలా దేవి' గా వెలిసిన ఆ జగన్మాతకు నేను నమస్కరిస్తున్నాను.

పూజా ఫలితం : -

జీవితంలో ఎలాంటి క్లిష్టమైన సమస్యలు, అప్పుల బాధలు, లేదా బంధాలలో చిక్కుకుని ఇబ్బంది పడుతున్నా ఈ దేవిని స్మరిస్తే శీఘ్ర ఉపశమనం లభిస్తుంది. ఈ క్షేత్రాన్ని లేదా శృంగేరి శారదాంబను దర్శించడం వల్ల వంశాభివృద్ధి జరుగుతుందని భక్తుల నమ్మకం. సాధకులకు మనస్సుపై నియంత్రణ లభించి, ఆధ్యాత్మిక ప్రగతి వేగంగా సాగుతుంది.