శ్రీ మహాకాళి అమ్మవారి ఆలయం (మధ్యప్రదేశ్‌లోని ఉజ్జయిని) ఆదిశంకరాచార్యులు పేర్కొన్న అష్టాదశ (18) శక్తిపీఠాలలో తొమ్మిదవ శక్తిపీఠం. క్షిప్రా నదీ తీరాన, ప్రసిద్ధ మహాకాళేశ్వర జ్యోతిర్లింగ క్షేత్రానికి సమీపంలో కొలువై ఉన్న ఈ ఆలయాన్ని 'హరసిద్ధి మాతా ఆలయం' అని కూడా పిలుస్తారు.

దక్షయజ్ఞం తర్వాత సతీదేవి పవిత్ర శరీరాన్ని విష్ణుమూర్తి తన సుదర్శన చక్రంతో ఖండించినప్పుడు, అమ్మవారి "కుడి చేతి మోచేయి" పడిన పవిత్ర స్థలమిది. పురాణాల ప్రకారం, పూర్వం 'చండ-ప్రచండ' అనే రాక్షసులు దేవేంద్రుడిని ఓడించి స్వర్గాన్ని ఆక్రమించారు. పరమశివుని సలహా మేరకు శివపార్వతులను ఆరాధించగా, అమ్మవారు ఉగ్రరూపంతో వచ్చి ఆ రాక్షసులను సంహరించింది. శివుని (హర) అనుగ్రహంతో ఈ కార్యాన్ని విజయవంతంగా (సిద్ధి) పూర్తి చేసినందుకు గాను ఈమెకు 'హరసిద్ధి మాత' అని పేరు వచ్చింది. ఉజ్జయినిని పాలించిన ప్రసిద్ధ నవగ్రహ పండితుడు, వీరుడైన విక్రమార్క చక్రవర్తికి ఈమె ఇలవేల్పు. విక్రమార్కుడు దేవిని ప్రసన్నం చేసుకోవడం కోసం తన తలను 11 సార్లు నరికి అర్పించగా, అమ్మవారు ప్రతిసారీ అతడిని బతికించి అపారమైన శక్తులను ప్రసాదించిందని చారిత్రక కథనం. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి..

శ్లోకం : -

"ఉజ్జయిన్యాం మహాకాళీ, పీఠికాపుర్యాం పురుహూతికా |

ఓఢ్యాయాం గిరిజాదేవీ, మాణిక్యా దక్షవాటికే ||"

భావం : -

పవిత్ర ఉజ్జయిని నగరంలో 'శ్రీ మహాకాళి' (హరసిద్ధి మాత) గా, పిఠాపురంలో 'పురుహూతికా దేవి' గా, ఒడిశాలో 'గిరిజా దేవి' గా, మరియు ద్రాక్షారామంలో 'మాణిక్యాంబా దేవి' గా వెలిసిన ఆ జగన్మాతకు నా ప్రణామములు.

పూజా ఫలితం : -

మహాకాళి అత్యంత ఉగ్ర రక్షణ దేవత. ఈమెను స్మరించడం వల్ల శత్రువుల కుతంత్రాలు, చేతబడి, దిష్టి దోషాలు మరియు నరఘోష పూర్తిగా నశించిపోతాయి. విక్రమార్కుడికే విజయాన్ని అందించిన తల్లి కాబట్టి, కొత్త వ్యాపారాలు ప్రారంభించేవారు లేదా ఉద్యోగంలో ఉన్నత పదవులు ఆశించేవారు ఈమెను పూజిస్తే అనుకున్న లక్ష్యాలను శీఘ్రంగా సాధిస్తారు. ఉజ్జయినిలోని కాలభైరవ ఆలయాన్ని, హరసిద్ధి మాతను దర్శించడం వల్ల జాతకంలోని శని, రాహు-కేతువుల భయంకరమైన దోషాలు తొలగిపోతాయి.