శ్రీ రాజరాజేశ్వరి దేవి :-

శ్రీ రాజరాజేశ్వరి దేవి హిందూ సనాతన ధర్మంలో అత్యంత ప్రాముఖ్యత కలిగిన, సర్వోత్కృష్టమైన శక్తి స్వరూపిణి. 'శ్రీవిద్య' లేదా 'శ్రీచక్ర' ఉపాసనలో ఈమెను లలితా త్రిపుర సుందరి అని కొలుస్తారు. రాజులకు రాజైన ఆ పరమశివుడికే మహారాణి (ఈశ్వరి) కాబట్టి ఈమెను "రాజరాజేశ్వరి" అని పిలుస్తారు. విశ్వాన్ని శాసించే మాతృమూర్తిగా, సృష్టి, స్థితి, లయ కారిణిగా దేవి ఆరాధన అందుకుంటోంది.

బ్రహ్మాండ పురాణం ప్రకారం రాజరాజేశ్వరి (లలితా దేవి) ఆవిర్భావం దేవతలను, మునులను తీవ్రంగా హింసిస్తున్న "భండాసురుడు" అనే మహా రాక్షసుడిని వధించడానికి ఇంద్రుడి ఆధ్వర్యంలో దేవతలంతా కలిసి ఒక గొప్ప యాగాన్ని (మహా యాగాన్ని) చేశారు. వారు తమ సొంత మాంస, రక్తాలను సైతం ఆహుతిగా ఇస్తూ చేసిన ఆ యాగ గుండం (చిదగ్ని కుండం) నుండి కోటి సూర్యుల తేజస్సుతో, అత్యంత లావణ్యవతియైన జగన్మాత "శ్రీ లలితా త్రిపుర సుందరి" రూపంలో ఆవిర్భవించింది. ఆ తర్వాత ఆమె సకల దేవతల కోరిక మేరకు భండాసురుడిని, అతని సైన్యాన్ని వధించి లోకాలను రక్షించింది. దేవి ఆవిర్భవించిన తర్వాత, బ్రహ్మ, విష్ణు, మహేశ్వరులు ఆమెను సకల లోకాలకు మహారాణిగా అభిషేకించారు. పరమశివుడు ఆమెను వివాహం చేసుకుని "కామేశ్వరుడు" కాగా, ఆమె "కామేశ్వరి"గా సకల బ్రహ్మాండాన్ని పరిపాలించే రాజరాజేశ్వరి అయ్యింది. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి..

శ్లోకం :-

"అంబా శాంభవి చంద్రమౌళిరబలా అపర్ణా ఉమా పార్వతీ కాళీ హైమవతీ జగత్త్రయజనీ విశ్వేశ్వరీ శర్వణీ ।

కల్యాణీ కరుణాకటాక్షలహరీ నారాయణీ నాదినీ శ్రీ శైలస్థలవాసినీ భగవతీ శ్రీరాజరాజేశ్వరీ ॥"

భావం :-

"అమ్మా! నీవు శాంభవివి, చంద్రుడిని ధరించిన శివుని అర్ధాంగివి, పార్వతివి, ఉమవి, సకల జగత్తును కన్న తల్లివి. విశ్వాన్ని శాసించే ఈశ్వరివి, కల్యాణాన్ని చేకూర్చేదానివి, కరుణను కురిపించే కటాక్షం కలదానివి. శ్రీశైల క్షేత్రంలోనూ, భక్తుల హృదయాలలోనూ కొలువై ఉండే ఓ శ్రీ రాజరాజేశ్వరి దేవి! నీకు నా శతకోటి నమస్కారాలు. నన్ను అనుగ్రహించు తల్లి."

పూజా ఫలితం :-

సకల కార్యసిద్ధి & అఖండ విజయం, ఆర్థిక సమృద్ధి & దారిద్ర్య విముక్తి, మానసిక ప్రశాంతత & అందం, సన్మంగళం – సుఖసంతోషాలు.