శ్రీ రాజశ్యామల అమ్మవారు (మాతంగి దేవి):-

శ్రీ రాజశ్యామల అమ్మవారు (మాతంగి దేవి) హిందూ శాక్త సాంప్రదాయంలో మరియు 'శ్రీవిద్య' ఉపాసనలో అత్యంత ప్రాముఖ్యమైన దేవత. ఈమె లలితా త్రిపురసుందరి దేవి యొక్క "మంత్రిణి" (ప్రధాన మంత్రి). లలితాంబికా దేవి ఆలోచనా శక్తి నుండి ఆవిర్భవించిన ఈ దేవి, సంగీతం, కళలు, బుద్ధి, రాజకీయాధికారం మరియు వాక్ శుద్ధికి అధిష్టాన దేవత.

పూర్వం 'భండాసురుడు' అనే భయంకరమైన రాక్షసుడిని అంతమొందించడానికి లలితా త్రిపురసుందరి దేవి మహా సేనతో యుద్ధానికి దిగింది. ఆ సమయంలో లలితాంబిక తన పరిపాలనా వ్యవహారాలను, సైన్య గమనాన్ని పర్యవేక్షించడం కోసం తన బుద్ధి, చాతుర్యాల నుండి ఒక మహా శక్తిని సృష్టించింది. ఆ శక్తే రాజశ్యామల దేవి (ఈమెనే మంత్రిణి దేవి లేదా మాతంగి అని కూడా పిలుస్తారు).

యుద్ధ భూమిలో లలితా దేవి సర్వసేనాధిపతియైన వారాహి దేవికి "దండనాథ" పదవిని ఇస్తే, రాజశ్యామల దేవికి తన "మంత్రిణి" (ప్రధాన సలహాదారు) పదవిని ఇచ్చింది. రాజశ్యామల దేవి 'గేయ చక్ర రథం' (సంగీత స్వరాలు వినిపించే రథం) పై కూర్చుని, భండాసురుని తమ్ముడైన 'విషంగుడు' అనే రాక్షసుడిని సంహరించి దేవి విజయానికి మూలకారణమైంది. "రాజశ్యామల" పేరులోనే ఉన్నట్లుగా, ఈమెను పూజించడం వల్ల సమాజంలో ఉన్నత పదవులు, కీర్తి, రాజకీయ విజయం లభిస్తాయి. మాట తీరు మెరుగై, ఎదుటివారిని ఆకట్టుకునే శక్తి లభిస్తుంది. సంగీత సాధన చేసేవారు ఈమెను ఉపాసించడం వల్ల శీఘ్రంగా కళాసిద్ధి కలుగుతుంది. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు రాజశ్యామల దేవి అమ్మవారిని శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించడమైనది. కావున భక్తులు అందరూ అమ్మవారిని దర్శించండి తరించండి.

శ్లోకం :-

"మాణిక్యవీణాముపలాలయంతీం మదాలసాం మంజులవాగ్విలాసామ్ |

మహేంద్రనీలద్యుతికోమలాంగీం మాతంగకన్యాం మనసా స్మరామి ||"

భావం :-

చేతిలో రత్నఖచితమైన వీణను మీటుతున్నదానిని, మధురమైన పలుకులు పలుకుతున్నదానిని, ఇంద్రనీలమణి వలె నల్లని కోమలమైన శరీరం కలదానిని మరియు మాతంగ మహర్షి పుత్రికయైన ఆ 'శ్రీ రాజశ్యామల' (మాతంగి) దేవిని నేను మనస్ఫూర్తిగా స్మరిస్తున్నాను.

పూజా ఫలితం :-

"రాజశ్యామల" పేరులోనే ఉన్నట్లుగా, ఈమెను పూజించడం వల్ల సమాజంలో ఉన్నత పదవులు, కీర్తి, రాజకీయ విజయం లభిస్తాయి. న్యాయవాదులు, వక్తలు, కళాకారులు, మరియు విద్యార్థులకు ఈమె ఆరాధన అద్భుతమైన ఫలితాలను ఇస్తుంది. మాట తీరు మెరుగై, ఎదుటివారిని ఆకట్టుకునే శక్తి లభిస్తుంది. సంగీత సాధన చేసేవారు ఈమెను ఉపాసించడం వల్ల శీఘ్రంగా కళాసిద్ధి కలుగుతుంది.