Back

రామేశ్వర జ్యోతిర్లింగం

రామేశ్వర జ్యోతిర్లింగం (తమిళనాడు) భారతదేశానికి దక్షిణాన హిందూ మహాసముద్ర తీరాన కొలువై ఉన్న అత్యంత పవిత్రమైన పుణ్యక్షేత్రం. ఇది ద్వాదశ జ్యోతిర్లింగాలలో పదకొండవది మరియు భారతదేశ చార్ ధామ్ క్షేత్రాలలో ఒకటి. శ్రీరాముడు స్వయంగా ప్రతిష్ఠించి, పూజించిన లింగం కాబట్టి దీనికి 'రామేశ్వరం' అని పేరు వచ్చింది.

రావణాసురుడిని సంహరించి, సీతాదేవిని రక్షించిన తర్వాత శ్రీరాముడు లంక నుండి తిరిగి వస్తూ ఈ తీరానికి చేరుకున్నాడు. రావణుడు బ్రాహ్మణుడు కావడము వలన, అతడిని చంపినందుకు శ్రీరామునికి 'బ్రహ్మహత్యా పాతకం' చుట్టుకుంది. ఈ పాప ప్రక్షాళన కోసం ఇక్కడ ఒక శివలింగాన్ని ప్రతిష్ఠించి పూజించాలని రాముడు నిశ్చయించాడు.లింగం కోసం హనుమంతుడిని కైలాసానికి పంపించాడు. అయితే, అభిషేకానికి నిర్ణయించిన పవిత్ర ముహూర్తం దాటిపోతుండటంతో, సీతాదేవి సముద్రపు ఇసుకతో ఒక చిన్న లింగాన్ని తయారు చేసింది. శ్రీరాముడు ఆ ఇసుక లింగాన్నే అక్కడ ప్రతిష్ఠించి పూజలు చేశాడు. దీనిని 'రామలింగం' అంటారు. ఆ తర్వాత హనుమంతుడు కైలాసం నుండి తెచ్చిన లింగాన్ని కూడా దాని పక్కనే ప్రతిష్ఠించారు, దీనిని 'విశ్వలింగం' అంటారు. శ్రీరాముని ఆజ్ఞ ప్రకారం, హనుమంతుడు తెచ్చిన లింగానికే ఇక్కడ ఇప్పటికీ మొదటి పూజ జరుగుతుంది. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి..

శ్లోకం :-

సుతామ్రపర్ణీజలరాశియోగే నిబధ్య సేతుం నిశిభీషణాద్యైః |

శ్రీరామచంద్రేణ సమర్పితం తం రామేశ్వరాఖ్యం సతతం నమామి ||

భావం :-

తామ్రపర్ణి నది సముద్రంలో కలిసే చోట, విభీషణుడు మొదలైనవారి సలహాతో సముద్రంపై వారధిని నిర్మించి, శ్రీరామచంద్రుని చేత స్వయంగా ప్రతిష్ఠించబడిన ఆ 'శ్రీ రామేశ్వర' జ్యోతిర్లింగ స్వామికి నేను ఎల్లప్పుడూ నమస్కరిస్తున్నాను.

పూజా ఫలితం :-

శ్రీరామునికే దోషాన్ని పోగొట్టిన క్షేత్రం కాబట్టి, ఇక్కడ పూజలు చేయడం వల్ల వంశపారపర్యంగా వచ్చే పితృ దోషాలు, ఘోర పాపాలు తొలగిపోతాయి.ఆలయ ప్రాంగణంలో ఉన్న 22 పవిత్ర తీర్థ బావులలోస్నానం చేయడం వల్ల శారీరక రుగ్మతలు తొలగిపోయి, మనశ్శాంతి, మోక్షం సిద్ధిస్తాయని భక్తుల నమ్మకం