బెంగాల్‌లో అత్యంత ప్రసిద్ధి చెందిన శైవ క్షేత్రాలలో తారకేశ్వర్ ఒకటి. ఇక్కడ పరమశివుడు "తారకేశ్వరుడు" (లింగ రూపంలో) గా, ఆయన అర్ధాంగి పార్వతీ దేవి "తారకేశ్వరి దేవి"గా కొలువై ఉన్నారు.

పూర్వం ఈ ప్రాంతంలో దట్టమైన అడవి ఉండేది. 'ముకుంద ఘోష్' అనే గోపాలకుడి (యాదవుడు) పశువుల మందలో ఒక కపిల ఆవు ఉండేది. ఆ ఆవు ప్రతిరోజూ అడవిలోని ఒక నిర్దిష్టమైన చోటుకి వెళ్లి, అక్కడ ఉన్న ఒక రాతిపై తన పాలను స్వయంగా కురిపించేది.ఇది గమనించిన ముకుంద ఘోష్, ఆ ప్రాంతాన్ని తవ్వి చూడగా అక్కడ ఒక స్వయంభూ శివలింగం బయటపడింది. ఆ రాత్రియే ఆయనకు శివుడు కలలో కనిపించి, అక్కడ ఆలయాన్ని నిర్మించమని ఆజ్ఞాపించాడు. అలా వెలసిన స్వామే తారకేశ్వరుడు, అమ్మవారే తారకేశ్వరి దేవి.

ఈ క్షేత్రానికి ఒక ప్రత్యేకత ఉంది. ఇక్కడి స్వామివారిని, అమ్మవారిని దర్శించుకుంటే సకల రోగాలు నయమవుతాయని భక్తుల నమ్మకం.దీర్ఘకాలిక వ్యాధులతో బాధపడేవారు, వైద్యులకు కూడా లొంగని జబ్బులు ఉన్నవారు ఈ ఆలయానికి వచ్చి 'దోహత్' (ఉపవాస దీక్ష) ఉంటారు. ఆలయ చెరువు (దుధ్ పుకూర్) లో స్నానం చేసి, స్వామి, అమ్మవార్ల తీర్థాన్ని స్వీకరిస్తే రోగాలు నయమవుతాయని నమ్ముతారు.సంతానం లేనివారు, వివాహం కానివారు ఇక్కడి అమ్మవారికి, స్వామివారికి ప్రత్యేక పూజలు చేయిస్తారు. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి..

తారకేశ్వరి సమేత తారకేశ్వర శ్లోకం :-

"తారకాధీశ శేఖరాయ తారకేశ్వర రూపిణే | సకల రోగ హరాయ తస్మై తారకేశ్వరాయ నమః ||

మహాదేవ సమేతాయై సర్వ సిద్ధ ప్రదాయిన్యై | తారకేశ్వరి మహాదేవ్యై భక్తి ముక్తి ప్రదాయై నమః ||"

శ్లోక భావం : -

చంద్రుడిని శిరస్సుపై ధరించినవాడు, తారకేశ్వరుడు అనే నామంతో వెలిసినవాడు మరియు తనను నమ్ముకున్న భక్తుల యొక్క సమస్త శారీరక, మానసిక రోగాలను (కష్టాలను) నశింపజేసేవాడు అయిన ఆ పరమశివునికి నమస్కారం.ఆ మహాదేవునితో (శివునితో) కూడి ఉండి, భక్తులు కోరిన సకల కోరికలను, సిద్ధులను అనుగ్రహించేది మరియు జీవితంలో భక్తిని, చివరికి ముక్తిని (మోక్షాన్ని) ప్రసాదించే చల్లని తల్లి అయిన ఆ తారకేశ్వరి మహాదేవికి నా భక్తిపూర్వక వందనాలు.