శ్రీ రమా సత్యనారాయణ స్వామి రూపం సత్యానికి, నమ్మకానికి మరియు కలియుగంలో భక్తుల కష్టాలను తక్షణమే తీర్చే అత్యంత మహిమాన్వితమైన విష్ణు స్వరూపం. లక్ష్మీదేవిని ఇక్కడ 'రమ' అని పిలుస్తారు. ఆంధ్రప్రదేశ్‌లోని తూర్పుగోదావరి జిల్లాలో ఉన్న అన్నవరం రమా సత్యనారాయణ స్వామి క్షేత్రం దేశవ్యాప్తంగా ప్రసిద్ధి చెందింది.

పురాణాల ప్రకారం, ఒకసారి నారద మహర్షి భూలోకానికి వచ్చినప్పుడు ప్రజలు తమ పాపాలు, కర్మల వల్ల తీవ్రమైన బాధలు అనుభవించడం చూశాడు. వారి బాధలను నివారించే మార్గాన్ని చెప్పమని క్షీరసాగరంలో ఉన్న మహావిష్ణువును వేడుకున్నాడు. అప్పుడు విష్ణుమూర్తి..."కలియుగంలో మానవులు ఎటువంటి కష్టాలనైనా దాటడానికి అత్యంత సులువైన మార్గం సత్యనారాయణ వ్రతం" అని ఉపదేశించాడు. కలియుగంలో భక్తులను రక్షించడానికి స్వామివారు రత్నగిరి కొండపై (అన్నవరం) స్వయంభూవుడిగా వెలిశారు. స్థానిక జమీందారు అయిన రాజా ఇనుగంటి వేంకట రామానాయునికి స్వామివారు కలలో కనిపించి, తాను రత్నగిరి కొండపై దట్టమైన పొదల్లో ఉన్నట్లు చెప్పారు. రాజు గాలించగా అక్కడ అద్భుతమైన సత్యనారాయణ స్వామి విగ్రహం లభించింది. శ్రావణ శుద్ధ విదియ నాడు స్వామివారిని అక్కడ ప్రతిష్ఠించారు. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి.

శ్లోకం : -

సత్యనారాయణం దేవం వందేహం కామదం ప్రభుమ్ |

లీలయా సృజతే విశ్వం సత్యరూపో జనార్దనః ||

భావం : -

తన లీలతోనే ఈ సమస్త విశ్వాన్ని సృష్టించినవాడు, కోరిన కోర్కెలను తీర్చే ప్రభువు, సత్యమే స్వరూపంగా కలిగినవాడు అయిన ఆ శ్రీ రమా సత్యనారాయణ స్వామికి నేను నమస్కరిస్తున్నాను

పూజా ఫలితం : -

ఇళ్లలో లేదా అన్నవరం క్షేత్రంలో సత్యనారాయణ వ్రతం జరిపించుకోవడం వల్ల వ్యాపారంలో లాభాలు, ఉద్యోగ ప్రాప్తి కలిగి ఆర్థిక కష్టాలు పూర్తిగా తొలగిపోతాయి. వివాహం ఆలస్యమవుతున్నవారు లేదా సంతానం లేని దంపతులు ఈ వ్రతాన్ని భక్తితో చేసుకుంటే శీఘ్రంగా ఫలితం కనిపిస్తుంది. నూతన గృహప్రవేశం, వివాహం లేదా ఏవైనా శుభకార్యాలు జరిగినప్పుడు ఈ వ్రతం చేయడం వల్ల ఇంట్లోని నకారాత్మక శక్తి తొలగిపోయి సకల శుభాలు కలుగుతాయి.