సూర్య భగవానుడు హిందూ ధర్మంలో ప్రత్యక్ష నారాయణుడిగా, సమస్త జీవకోటికి ప్రాణాధారమైన దైవంగా పూజలందుకుంటున్నాడు. నవగ్రహాలలో ఆయనే అధిపతి. ఉపనిషత్తుల ప్రకారం "సూర్య ఆత్మా జగతస్తస్థుషశ్చ" అంటే చరాచర జగత్తు మొత్తానికి సూర్యుడే ఆత్మ.

పురాణాల ప్రకారం, బ్రహ్మదేవుని కుమారుడైన కశ్యప ప్రజాపతి, ఆయన భార్య 'అదితి' దంపతులకు సూర్య భగవానుడు జన్మించాడు. దేవతలకు తల్లియైన అదితి, రాక్షసుల చేతిలో ఓడిపోయిన తన కుమారుల రక్షణ కోసం పరమశివుడిని, మహావిష్ణువును ప్రార్థించి కఠోర తపస్సు చేసింది. ఆమె భక్తికి మెచ్చిన దైవిక తేజస్సు ఆమె గర్భాన తేజోమయమైన బాలుడిగా జన్మించింది. ఆయనే మార్తాండుడు లేదా ఆదిత్యుడు. ఆయన ఉదయించడంతోనే చీకట్లు, రాక్షస శక్తులు నశించి, దేవతలకు తిరిగి వైభవం లభించింది. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి.

సూర్య శ్లోకం :-

ఆదిదేవ నమస్తుభ్యం ప్రసీద మమ భాస్కర |

దివాకర నమస్తుభ్యం ప్రభాకర నమోస్తు తే ||

భావం : -

సమస్త సృష్టికి మొదటి దేవుడవైన ఓ భాస్కరా (సూర్య భగవానుడా)! నీకు నమస్కరిస్తున్నాను. నాపై కరుణ చూపించు. పగటిని కలిగించే దివాకరుడా, వెలుగులను పంచే ప్రభాకరుడా, నీకు నా నమస్కారములు.

పూజా ఫలితం : -

"ఆరోగ్యం భాస్కరాదిచ్ఛేత్" అంటే ఆరోగ్యాన్ని సూర్య భగవానుని నుండి కోరుకోవాలి. నిత్యం సూర్య నమస్కారాలు చేయడం, అర్ఘ్యం ఇవ్వడం వల్ల కంటి జబ్బులు, చర్మ వ్యాధులు (కుష్టు రోగం వంటివి), మరియు ఎముకల బలహీనత వంటి సమస్యలు తొలగిపోతాయి. జాతకంలో సూర్య దోషాలు ఉన్నవారికి, ఉద్యోగంలో సమస్యలు ఎదుర్కొనేవారికి సూర్యారాధన వల్ల ఉన్నత పదవులు, సమాజంలో గౌరవం, కీర్తి ప్రతిష్ఠలు లభిస్తాయి. గాయత్రీ మంత్రం ద్వారా సూర్యుని ధ్యానించడం వల్ల బుద్ధి చురుగ్గా మారి, ముఖంలో ఒక దివ్యమైన వర్చస్సు (తేజస్సు) వస్తుంది.