శ్రీ పురుహూతికా దేవి ఆలయం (ఆంధ్రప్రదేశ్‌లోని పిఠాపురం) ఆదిశంకరాచార్యులు పేర్కొన్న అష్టాదశ (18) శక్తిపీఠాలలో పదవ శక్తిపీఠం. కుక్కుటేశ్వర స్వామి ఆలయ ప్రాంగణంలో కొలువై ఉన్న ఈ క్షేత్రం, దత్తాత్రేయ స్వామి మొదటి అవతారమైన 'శ్రీపాద శ్రీవల్లభుల' జన్మభూమిగా కూడా పరమ పవిత్రమైనది.

దక్షయజ్ఞం తర్వాత సతీదేవి పవిత్ర శరీరాన్ని విష్ణుమూర్తి తన సుదర్శన చక్రంతో ఖండించినప్పుడు, అమ్మవారి "ఎడమ హస్తం" పడిన పవిత్ర స్థలమిది. పురాణాల ప్రకారం, పూర్వం దేవేంద్రుడు ఒక శాపం వల్ల తన రూపాన్ని కోల్పోయాడు. తిరిగి తన పూర్వ రూపాన్ని, ఇంద్రపదవిని పొందడం కోసం ఈ క్షేత్రంలో అమ్మవారిని 'పురుహూతుడు' (ఇంద్రుని వేరొక పేరు) అనే నామంతో అత్యంత భక్తితో ప్రార్థించాడు. ఇంద్రుని (పురుహూతుని) చేత పూజలందుకుని, అతని కోరికను తీర్చినందువల్ల ఈమెకు 'పురుహూతికా దేవి' అని పేరు వచ్చింది. పిఠాపురం క్షేత్రాన్ని 'పాదగయ' అని పిలుస్తారు. గయాసురుడనే రాక్షసుని శరీరంపై బ్రహ్మదేవుడు యజ్ఞం చేసినప్పుడు, అతని పాదాలు ఈ పిఠాపురంలోనే ఉన్నాయి. ఇక్కడి 'పాదగయ సరోవరం' లో పితృదేవతలకు పిండప్రదానం (శ్రాద్ధ కర్మలు) చేస్తే వారికి నేరుగా మోక్షం సిద్ధిస్తుందని భక్తుల నమ్మకం. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి..

శ్లోకం : -

"ఉజ్జయిన్యాం మహాకాళీ, పీఠికాపుర్యాం పురుహూతికా |

ఓఢ్యాయాం గిరిజాదేవీ, మాణిక్యా దక్షవాటికే ||"

భావం : -

పిఠాపురం (పీఠికాపురం) మహాక్షేత్రంలో 'శ్రీ పురుహూతికా దేవి' గా వెలిసిన ఆ జగన్మాతకు నా ప్రణామములు.

పూజా ఫలితం : -

దేవేంద్రుడికే తిరిగి రాజవైభవాన్ని ఇచ్చిన తల్లి కాబట్టి, ఉద్యోగంలో పదోన్నతులు ఆశించేవారు, వ్యాపారంలో నష్టపోయినవారు ఈమెను దర్శిస్తే తిరిగి ఉన్నత స్థితికి చేరుకుంటారు. పాదగయ సరోవరంలో స్నానం చేసి, కుక్కుటేశ్వర స్వామిని, పురుహూతికా దేవిని దర్శించడం వల్ల వంశపారపర్యంగా వచ్చే పితృ శాపాలు, దోషాలు తక్షణమే తొలగిపోతాయి. నిత్యం అమ్మవారికి జరిపించే కుంకుమార్చనల వల్ల సంతాన సౌఖ్యం, కుటుంబంలో సంతోషం లభిస్తాయి.