పసుపతినాథ్ ఆలయం :

నేపాల్ రాజధాని ఖాట్మండులో బాగ్మతి నదీ తీరాన కొలువై ఉన్న పసుపతినాథ్ ఆలయం ప్రపంచవ్యాప్తంగా ఉన్న శివభక్తులకు అత్యంత పవిత్రమైన పుణ్యక్షేత్రం.

కురుక్షేత్ర యుద్ధం తర్వాత పాండవులు తమ పాప ప్రక్షాళన కోసం శివుని వెతుకుతూ హిమాలయాలకు వెళ్లినప్పుడు, శివుడు ఒక ఎద్దు రూపంలో దాక్కున్నాడు. భీముడు ఆ ఎద్దును పట్టుకోవడానికి ప్రయత్నించగా ఆ ఎద్దు యొక్క ముందు భాగం (శిరస్సు) నేపాల్ లోని ఖాట్మండు లో పడింది. అదే ఈ పసుపతినాథ్ క్షేత్రం. పశుపతినాథ్ ఆలయంలోని ప్రధాన శివలింగానికి ఐదు ముఖాలు ఉంటాయి. వీటిలో నాలుగు ముఖాలు నాలుగు దిక్కులను చూస్తుండగా, ఐదవ ముఖం ఆకాశం వైపు (పైకి) ఉంటుంది. ఈ ఐదు ముఖాలు సృష్టిలోని పంచభూతాలను సూచిస్తాయి. సద్యోజాతం (పశ్చిమ ముఖం): ఇది భూమి తత్వానికి ప్రతీక. ఇది సృష్టి ప్రక్రియను సూచిస్తుంది. వామదేవ (ఉత్తర ముఖం): ఇది జల తత్వానికి ప్రతీక. ఇది రక్షణ మరియు పోషణను సూచిస్తుంది. అఘోర (దక్షిణ ముఖం): ఇది అగ్ని తత్వానికి ప్రతీక. ఇది లయం లేదా సంహారాన్ని సూచిస్తుంది. తత్పురుష (తూర్పు ముఖం): ఇది వాయు తత్వానికి ప్రతీక. ఇది ప్రాణశక్తిని సూచిస్తుంది. ఈశాన (ఊర్ధ్వ/పై ముఖం): ఇది ఆకాశ తత్వానికి ప్రతీక. ఇది పరమ శివతత్వాన్ని, పంచభూతాలకు అధిపతియై భక్తులను అనుగ్రహించుచున్నారు. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం - శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి.

శ్లోకం :-

పశుపతీనాం పతిం పాపనాశం విభుం |భువనానాం విచిత్రైః క్రీడంతం మహేశమ్ ||

సంసారపాశబద్ధానాం మోక్షహేతుం ఏకం |తం పశుపతినాథం సతతం నమామి ||

భావం :-

సమస్త ప్రాణులకు ప్రభువైనవాడు, పాపాలను నాశనం చేసేవాడు, తన లీలా విశేషాలతో సృష్టిని నడిపించేవాడు, మరియు సంసార బంధాలలో చిక్కుకున్న జీవులకు మోక్షాన్ని ప్రసాదించే ఏకైక రక్షకుడైన ఆ 'శ్రీ పసుపతినాథ్' స్వామికి నేను ఎల్లప్పుడూ నమస్కరిస్తున్నాను.

పూజా ఫలితం :-

మానవుడిలో ఉండే కామ, క్రోధ, లోభ, మోహ, మద, మాత్సర్యాలనే 'పశు లక్షణాలను' తొలగించి, ఉత్తమమైన దైవ గుణాలను ఈ స్వామి ప్రసాదిస్తాడు. ఈ క్షేత్రంలో స్వామిని దర్శించుకున్న వారికి మళ్లీ పశువుగా పుట్టే దుర్గతి ఉండదని, అంత్యకాలంలో నేరుగా మోక్షం సిద్ధిస్తుందని శివపురాణం చెబుతోంది.