Back

శ్రీ మహేశ్వరి దేవి

శ్రీ సప్తమాతృకలలో రెండవ వారైన శ్రీ మహేశ్వరి దేవి ఆవిర్భావం, దుర్గ సప్తశతి (దేవీ మహాత్మ్యం) ప్రకారం, లోక కంటకులైన శుంభ-నిశుంభులు మరియు రక్తబీజుడు వంటి రాక్షసులను సంహరించే మహా సంగ్రామంలో దుర్గాదేవికి సహాయపడటానికి పరమశివుని చైతన్యం నుండి ఈమె ఆవిర్భవించింది. మహేశ్వరుడైన ఆ సదాశివుని శక్తి రూపమే "మహేశ్వరి". ఈమెను రౌద్రీ, శాంకరి అని కూడా పిలుస్తారు. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి..

శ్లోకం :-

త్రిశూలచంద్రఅహిధరే వృషభారూఢహారిణీ |

మహేశ్వరీస్వరూపేణ నారాయణి నమోస్తుతే ||

భావం :-

త్రిశూలాన్ని, చంద్రకళను, సర్పాలను (పాములను) ఆభరణాలుగా ధరించి, వృషభ వాహనంపై విరాజిల్లుతూ, మహేశ్వరి రూపంలో ఉన్న ఓ నారాయణీ దేవి! నీకు వందనములు. చేతిలో కపాలం, ఖట్వాంగం పట్టుకుని భక్తులను రక్షించేందుకు వృషభాన్ని అధిరోహించి వచ్చిన ఓ మహేశ్వరి మాతా, నిన్ను నా హృదయంలోకి ఆవాహన చేసుకుంటున్నాను.

పూజా ఫలితం :-

మనస్సులో ఉండే కోపం, ఆవేశం, అశాంతి తగ్గి ప్రశాంతత లభిస్తుంది. అకాల మృత్యు భయం, శత్రు భయం, రోగ భయాలు తొలగిపోయి ధైర్యం చేకూరుతుంది. ఈమెను పూజించడం వల్ల సమాజంలో గౌరవం, కీర్తి, పదిమందిని నడిపించే నాయకత్వ శక్తులు లభిస్తాయి. జాతకంలో శివ అనుగ్రహం లేని వారికి లేదా రాహు-కేతువుల దోషాలు ఉన్నవారికి ఈమె పూజ వల్ల ఉపశమనం లభిస్తుంది.