శ్రీ ధూమావతి దేవి:-

శ్రీ ధూమావతి దేవి దశ మహావిద్యలలో ఐదవ దేవత. ఈమె విశ్వనాశనానికి (ప్రళయ కాలానికి) ప్రతీక అయిన పరమేశ్వరి యొక్క భయంకరమైన రౌద్ర రూపం. అమంగళకరమైన విషయాలు, కష్టాలు, పేదరికం, మరియు ఒంటరితనానికి ఈమె అధిదేవతగా పరిగణించబడుతుంది. ఆమె ముఖం నుండి నిరంతరం పొగలు వస్తూ ఉంటాయి. ఈమె కాకిని వాహనంగా ఉపయోగిస్తుంది లేదా గుర్రాలు లేని రథంపై కూర్చుని చేటను చేతిలో పట్టుకుని దర్శనమిస్తుంది. శ్మశాన వాటికలు, మరియు నిర్జన ప్రదేశాలు ఈమెకు ఇష్టమైన నివాసాలు.దేశంలోనే ఇది ధూమావతి దేవికి అంకితం చేయబడిన ఏకైక ప్రధాన ఆలయంగా ప్రసిద్ధి చెందింది. ఇక్కడ అమ్మవారు శనివారం మాత్రమే భక్తులకు దర్శనమిస్తారు. ఈ ధూమవతీదేవి ఆరాధన వల్ల సాధకుడికి వివిధ వ్యాధుల నుంచి, శోకాల నుంచి విముక్తి లభిస్తుంది. ధూమవతీదేవి కేతువుకు అధిదేవతగా నిర్దేశించింది.మంత్రశాస్త్రంలో ఈ దేవతకు ప్రత్యేక స్థానం వున్నది. ఈ ధూమావతీదేవి కరుణ లేనిదే మహాత్ములు కూడ మృగాల్లా ప్రవర్తిస్తారు కనుక శ్రీ ధూమవతీ దేవిని ఆరాధించటం వల్ల కేతుగ్రహ దోషనివారణ పొందవచ్చును. అశ్విని, మాఘ, మూల నక్షత్రం వారు ఈ అమ్మవారిని పూజిస్తే శుభఫలితాలు కలుగుతాయని పురాణాలు ఘోషిస్తున్నాయి. స్వయంభూగా వెలసిన ఆలయ నమూనాలు మరియు మూలవిరార్ నమూనాలను అనుసరిస్తూ "ఓం శివశక్తి పీఠం శంబాల నగరం" నందు శాస్త్రోక్తంగా మంత్ర యంత్ర తంత్రాలను అనుసరించి లోకకల్యాణం కొరకు ప్రతిష్టించబడింది. కావున భక్తులు అందరూ దర్శించండి తరించండి..

శ్లోకం :-

వివర్ణా చంచలా దుష్టా దీర్ఘా చ మలినాంబరా | విముక్తకుంతలా రూక్షా విధవా విరళద్విజా ||

కాకధ్వజరథారూఢా విలంబితపయోధరా | శూర్పహస్తా విరూపాక్షీ వేపమానా చంచలా ||

క్షుత్పిపాసార్దితా నిత్యం భయదా కలహప్రియా | ధ్యా యే ద్ధూమావతీం దేవం శత్రునాశనకారిణీమ్ ||

భావం :-

ఈమె ఎటువంటి కాంతి లేని శరీర రంగుతో (పొగ రంగుతో), చంచల స్వభావంతో, దుష్టశిక్షణ చేసే ఉగ్రతతో, పొడవాటి శరీరంతో మరియు మురికిగా ఉన్న వస్త్రాలను (మలినాంబరా) ధరించి ఉన్నది, విరబోసుకున్న జుట్టుతో (విముక్తకుంతలా), పొడిబారిన కఠినమైన శరీరంతో, వితంతు రూపంలో మరియు ఊడిపోయిన పళ్ళు కలిగిన ముసలిదానిలా కనిపిస్తున్నది, కాకి ధ్వజం (జెండా) కలిగిన, గుర్రాలు లేని ఒక పాత రథంపై కూర్చుని, వాలిన వక్షస్థలంతో ఉన్నది, తన ఒక చేతిలో చేటను (శూర్పహస్తా) ధరించి, భయంకరమైన కళ్లతో (విరూపాక్షీ), వృద్ధాప్యం వల్ల శరీరం వణుకుతున్నట్లుగా (వేపమానా) ఉన్నది, ఎల్లప్పుడూ ఆకలి, దప్పులతో (క్షుత్-పిపాస) అలమటించేదానిలా, చూసేవారికి భయాన్ని కలిగిస్తూ, కలహాలకు (శత్రువుల నాశనానికి) ఇష్టపడేదానిలా ఉన్నది, అపారమైన శత్రు సమూహాలను నిశ్శేషంగా నాశనం చేసే అటువంటి శ్రీ ధూమావతి దేవిని నేను మనస్ఫూరిగా ధ్యానిస్తున్నాను.